iklan

NASIONÁL, HEADLINE, POLÍTIKA

Governu sei fó solusaun ba profesór kontratadu sira

Governu sei fó solusaun ba profesór kontratadu sira

Ministru Asuntu Parlamentár no Komunikasaun Sosiál, Francisco Jerónimo. Imajen Tatoli/Egas Cristovão

DILI, 18 janeiru 2020 (TATOLI)–VIII Governu Konstitusionál lideradu Primeiru Ministru (PM), Taur Matan Ruak, sei fó solusaun ba estatutu profesór kontratadu sira atu bele sai permanente maibé sei liuhosi prosesu rekrutamentu.

“Kona-ba profesór kontratadu sira, presiza ninia destinu loloos. Ha’u hanoin ba 2021 iha 900 itál, vaga ne’ebé mak sei fó ba profesór sira,” Ministru Asuntu Parlamentár no Komunikasaun Sosiál (MAPKOMS), Francisco Jerónimo, informa liuhosi plenária Parlamentu Nasionál, segunda ne’e.

Francisco Jerónimo hateten, oras ne’e Ministériu Edukasaun Juventude no Desportu (MEJD) prepara hela prosesu rekrutamentu ba profesór kontratadu sira sai profesór permanente.

Nia ko’alia asuntu ne’e hodi fó resposta ba deputadu sira-nia preokupasaun kona-ba profesór balun ne’e to’o oras ne’e sei ho estatutu kontratadu hela.

Eis deputadu Lejizlatura Dahuluk ne’e informa ba reprezentante povu sira katak, daudaun ne’e Governu prevee ona iha tinan fiskál 2021 kona-ba asuntu ne’e.

“Ida-ne’e sei fó uluk ba profesór ne’ebé mak to’o agora sira-nia kargu kontratadu. Sei fó uluk prioridade ba profesór sira kontratadu atu-bele halo aplikasaun no rekrutamentu ba sira-ne’e uluk, nune’e bele prenxe 900 vagas ne’ebe mak prevee ba 2021,” Ministru Francisco Jerónimo esplika ba deputadu sira.

Jornalista: Evaristo Soares Martins

Editór: Cancio Ximenes

iklan
iklan

5 Comments

  1. Obrigada ba informasaun maibe oinsa ba profesores reklamantes nebe Sr. Ministru deklara ona iha publiku. Kuitadu mais ou menus Sira hetan netik ona kontratu oinsa ho problema restu Reklamantes.

  2. Obrigadu ba nain ulun sira ne’ebé hanoin ona ami nia vida kontratadu…kuitadu ami kontratu besik tinan 9 0na…

Leave a Reply

iklan
error: Content is protected !!