Fakuldade Siénsia Sosiál, UNTL. Imajen: Investvine
Dili_East Timor_Arno Maierbrugger (14)

DILI, 18 janeiru 2021 (TATOLI) – Tuir kalendáriu akadémiku, Universidade Nasionál Timor Lorosa’e (UNTL) sei hahú halo inskrisaun ba estudante rejimi espesiál iha fulan fevereiru tuir fakuldade.

Pró-reitór asuntu akadémiku UNTL, Miguel Maia dos Santos, fó sai ona asuntu ne’e maski Ministériu Ensinu Superiór Siénsia no Kultura (MESSK) seidauk anunsia rezultadu kandidadtu estudante foun sira ne’ebé priense ona formuláriu atu asesu ba UNTL.

Miguel Maia dos Santos, esplika mekanizmu ne’ebé universidade foti hodi halo inskrisaun tuir fakuldade ho objetivu atu mantein halo prevensaun ba COVID-19, liuliu respeita nafatin regra distansiamentu sosiál hosi Ministériu Saúde.

“Oráriu inskrisaun ba estudante foun tuir fakuldade, tanba estatutu estudante foun sira nian seidauk integra iha sistema UNTL. Tanba ne’e, ami orienta sira ba halo inskrisaun iha kada fakuldade depois mak ajusta mai sentrál,” Miguel Maia dos Santos hateten ba jornalista sira iha salaun enkontru UNTL, segunda ne’e.

Miguel Maia  konsidera mekanizmu ne’ebé UNTL uza ba inskrisaun iha periúdu ne’e bele evita ema barak halibur hamutuk iha fatin ida, tanba estudante foun sira ne’ebé mai ho espíritu ensinu sekundáriu.

Sistema ne’e rasik parte UNTL aprezenta ona no hetan aprovasaun hosi Konsellu Jerál ne’ebé rekomenda mós atu kumpre nafatin regra protokolu hosi Ministériu Saúde.

Entretantu, totál estudante foun ne’ebé sei asesu ba UNTL hamutuk na’in 4.400-resin no MESSK propoin atu aumenta tan 1.000, tanba ho surtu COVID-19 timor-oan barak sei la sai ba eskola iha estranjeiru.

Jornalista: Tomé Amado

Editór: Cipriano Colo

HAKEREK NO HATÁN

Please enter your comment!
Please enter your name here