Pro-Reitor Asuntu Akademiku, UNTL, Miguel Maia dos Santos.Imajen/ Tatoli Egas Cristovao

DILI, 15 janeiru 2021 (TATOLI)—Universidade Nasionál Timor Lorosa’e (UNTL), submete ba desizaun Governu hodi adia programa graduasaun ba estudante finalista hamutuk 633 ne’ebé antes ne’e planea ona sei hala’o iha fulan-janeiru 2021.

Pro-Reitór UNTL trata asuntu akadémiku, Miguel Maia, hateten parte UNTL simu ona sirkulár husi Ministériu Ensinu Siénsia no Kultura (MESSK), atu bandu ema halibur malu liu ema na’in 10 hodi kontribui ba prevensaun COVID-19.

Notísia Relevante:MESSK bandu universidade hala’o graduasaun ba estudante

MESSK hasai ona sirkulár ba Instituisaun Ensino Superiór Públiku no Privadu (IESPP) bazeia ba artigu 28 kabe bá diploma Konsellu Ministru nian refere bá atividade letivu ne’ebé bele hala’o no labele hala’o iha IESPP sira.

“Husi kontiudu sirkulár ne’e mak ita simu ona kona-ba atividade ne’ebé bele hala’o mak atividade letiva no naun letiva no ida ne’ebé labele hala’o mak atividade kulturál no relijiozu no serimoniál sira seluk, entaun inklui graduasaun no mós yudisium tanba labele halibur ema liu na’in 10,” nia esplika ba Tatoli via telefone, sesta ne’e.

Nia dehan hafoin simu sirkulár ne’e, UNTL foti kedan desizaun hodi suspende serimonia graduasaun.

“Ita mós lakohi foti risku bá asuntu ne’e , entaun ita kumpre de’it ona tanba iha alinea balun husi sirkulár ne’e mós ko’alia katak se mak la kumpre desizaun Governu nian sei ba hatan, entaun ita tenke kumpre de’it ona hodi hein kontiudu seluk husi Governu,” tenik tan.

Notísia Relevante:Estudante UNTL 568 prepara ba graduasaun

Jornalista :Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here