Komunidade iha kapitál Dili, área Comoro, aldeia 30 Agostu, troka voucher ho produtu Cesta Bázika iha supermerkadu Leader, kinta (15/12). Imajen TATOLI/António Gonçalves

DILI, 15 janeiru (TATOLI)–Sekretária Meza Parlamentu Nasionál, Deputada Lídia dos Santos Martins,  hateten empreza sira-ne’ebé hetan fiar hosi Governu hodi halo distribuisaun ai-han ba programa cesta bázika ba populasaun sira tenke hatudu responsabilidade ba nasaun.

Notisia Relevante: PN husu hadi’a mekanizmu distribuisaun ai-han Cesta Bázika

“Pensamentu situasaun COVID-19 ne’e ida-ne’e mak hamosu programa cesta bázika ne’e, la’ós mosu naran-naran de’it. Tanba ne’e, empreza mós tenke iha sentidu responsabilidade ba nasaun,” Portavós Parlamentu Nasionál ne’e informa liuhosi konferénsia imprensa, kinta ne’e.

Deputada Lídia dos Santos Martins hatutan, propagasaun surtu Covid-19 ne’e halo nasaun hotu-hotu iha mundu frazil, entaun ho propagassun ne’e mak Governu Timor-Leste introdús programa cesta bázika ne’e, hodi nune’e povu labele mate ba hamlaha.

Tuir nia, situasaun ne’e fó impaktu ba ekonomia tanba Estadu hotu-hotu hakarak salva nia ema sira hosi propagasaun surtu Covid-19 ne’e. Nia dehan, oras ne’e trasa polítika oinsá salva nia povu hosi pandemia globál ne’e.

Notisia Relevante: Bankada FRETILIN vizita surpreza Supermerkadu Vila Verde distribui Cesta Bázika

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here