Tiago Guerra no nia kaben Chan Fong Fong Guerra. Imajen/Espesiál

DILI, 14 janeiru 2021 (TATOLI)-Tribunál Distritál Dili (TDD), ohin, kontinua rona sasin ba kazu fasilita kazál Portugés; Tiago Guerra ho Chang Fong-Fong Guerra, halai sai hosi territóriu Timor-Leste iha 2017.

Prosesu ne’e Ministériu Públiku (MP) dedús akuzasaun tuir artigu 236 Kódigu prosesu penál, rekere julgamentu ho prosesu komún ho intervensaun Tribunál koletivu kontra arguidu sira hanesan, DDJ, hosi Fransa no nia nasionalidade Portuguesa no arguidu MTSF, NESF.

Iha akuzasaun MP nian iha  indísiu katak arguidu NESF nu’udar diretór ba kompañia Corais ho kapitál 90% na’in ba ró peska la’ós komersiál ho tipu glass kór mutin no sinál identifikasaun embarkasaun BOUNTY LNCDMR 32 71.

Notísia Relevante : SIK Investiga Ona Ema Nain Tolu Ne’ebé Diskunfia Fasilita Tiago Guerra

Arguidu DDJ hanesan sósiu iha kompañia Corsis Timor Lda, ho kapitál 10%, hanesan mós kapitaun ba ró peska la’ós komersiál ho pu Glass kór mutin BOUNTY LNCDMR 32 TL (1167 so’e 1174).

Arguidu MTSF hanesan kapitaun ba ró peska la’ós mós komersiál ho tipu glass, kor mutin, BOUNTY LNCDMR 32 TL, 1167 4 4
Iha loron 19 abríl 2017, arguidu NESF rekere ba iha servisu tékniku iha area Konformidade Diresaun Jerál Alfándega hodi importa mai Darwin- Australia mai Timor Leste, ró Bounty ho mercury 90 PK, kór mutin ne’ebé sosa ho folin $6,182,90 no selu impostu ho valor $19,620,100.

Iha juñu 2017, arguidu NESF hato’o pedidu lisensa ba atividade peska la’ós komersiál no iha loron 5 agostu 2017, Diresaun Nasionál Inspesaun Peska halo inspesaun ba ró refere bazeia ba pedidu arguidu NESF, atu hala’o atividade peska desportiva, Peska momentu ne’ebá Diresaun Nasionál Inspesaun Peska halo markasaun ba peska la’ós komersiál, hafoin kompañia bele hetan lisensa hodi hala’o peska desportiva.

Notísia Relevante : TDD kontinua rona sasin kazu fasilita kazál Portugés halai hosi TL

Iha loron 24 agostu 2017, arguidu NESF selu tarefa ba lisensa peska iha banku BNU ho valor $3,050.00. Ró refere foin maka hala’o atividade hahú hosi loron 24 agostu 2017, maibé arguidu NESF fa’an fali ba Tiago Guerra iha loron 6 outubru 2017.

Ró refere apenas hala’o atividade durante fulan balun no iha loron 02 no loron 04 novembru 2017, tuku 20:02 no tuku 12:07 Otl, arguidu NESF, halo kontaktu liuhosi sms ba númeru 70006 deskonfia Tiago Guerra, hodi kontrata kona-ba sosa no fan ró.

Iha kalan 05 novembru 2017, depois elaborasaun kontratu fa’an no sosa ró arguidu NMTSF no DDJ hanesan kapitaun ba ró hodi hamutuk ho arguidu NESF hodi futu lia hamutuk hodi transporta ró ba Betano, Munisipiu Manufahi.

 Iha loron 06 novembru 2017, tuku 09.40 Otl, arguidu NSF lori osan hosi rezultadu fan ró ho montante $16,000.00 ba depozita iha BNU.

Iha loron 06 novembru 2017, purvolta tuku 12:00 Otl, DDJ ho MT hamutuk tan ho ema ida sira transporta ró hosi Dili ba Same – Betano to’o iha Same purvolta tuku 18:30 Otl, hafoin sira toba iha hotel Braia, pertense ba Australianu nian iha area Nularan – Same Vila.

Iha loron 06 novembru 2017, Tiago Guerra ho Chang Fong-Fong Guerra arranka hosi Dili ba Manufahi no iha loron 07 novembru 2017, tuku 03:50 madrugada, arguidu MT ho DDJ sai hosi hotel Nularan – Same Vila ba tasi ibun Waidabere- Same.

To’o iha tasi-ibun Wadubere – Same, arguidu DDJ hakiduk karreta ne’ebé nia kondús hodi transporta ró ne’e tama ba iha tasi laran no arguidu DDJ foti pilox kór metan hodi apaga ró nia naran no númeru matrikula.

Lakleur Tiago Guerra ho Chang Fong – Fong Guerra mai hosi tasi ninin hodi lao ba diresaun ró para hodi sa’e kedan ba iha ró laran, no arguidu DDJ hodi hakiduk tan karreta tama ba tasi laran no ema nain rua seluk kore tali no arguidu sira dudu ró refere tama ba iha tasi laran.

Tiago Guerra ho Chang Fong – Fong Guerra imediatu hamoris ró hodi arranka kedan no timoroan seluk hatete katak “ami ba sei la fila ona”.

Arguidu DDJ kondús mesak karreta ne’ebé dada troli hodi lao uluk, hafoin arguidu MT tula ho timoroan ne’e hamutuk ho nia karreta ne’ebé nia kondús hodi tuir arguidu.

Arguidu na’in-tolu hatene di’ak katak atu sai ba nasaun seluk legálmente tenke liuhosi portaun portu Dili ka aeroportu, maibé arguidu na’in-tolu fasilita kondenadu kazál Portugés ne’e liu subar hosi tasi Betanu, Manufahi.

Hahalok arguidu na’in-tolu ne’ebé maka hanoin ho kondenadu Tiago Guerra ho Chang Foog- Fong Guerra, hodi fasilita malu hodi nune’e ema nain hira konsege duni halai sai hosi territóriu ka halai husi justisa Timor nian no agora daudaun kondenadu na’in-rua konsege to’o iha Portugal.

Ho nune’e iha indísiu forte arguidu DDJ komete krime favoresimentu pesoál p no p iha art 290 KP b. autór material Krime falsifikasaun agravada p no p iha art 304 KP c krime brankamentu kapitais p no p iha art 313 n. 1 al a) KP alteradu ho Lei n 17/2011 de 28 de dezembru.

Arguidu MTSF komete krime favoresimentu pesoál p no p iha art 290 KP b. ko autór ba Krime falsifikasaun agravda p no p iha art 304 KP c. krime brankamentu kapitais p no p iha art 313 n. 1 al a) KP alteradu ho Lei n. 17/2011 de 28 de dezembru.

Arguidu NESF komete krime favoresimentu pesoál p no iha art 290 KP b. autór material ba Krime falsifikasaun agravda p no p iha art 304 KP c Krime brankamentu kapitais p no p iha art 313 n. 1 al a) KP alteradu ho Lei n. 17/2011 de 28 de dezembru.

Liu hosi audiénsia julgamentu sasin ho inisiál AG husi Ministériu Agrikultura no Peska (MAP) hateten, ró refere rejistu duni iha MAP ne’ebé tau naran antes ne’e iha ona to’o agora iha kazu ida ró nia naran seidauk muda sei nafatin.

Nia dehan, normálmente ministériu mak emite lisensa haree ba dokumentu sira hafoin emite no iha sirkulasaun MAP mós iha papél atu kontrola.
Hafoin rona tiha deklarasaun sira Tribunál adia fila-fali julgamentu ba iha loron 8 fevereiru, tinan ne’e, iha tuku 4:30 Otl, hodi arrola tan sasin seluk.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here