Ambulasia neebe Ministeriu Saude Sosa hodi fahe ba Municipio sira iha teritoriu Timor Leste, Dili 13 Agostu 2020.Imajen/Antonio Goncalves

DILI,14 janeiru 2020 (TATOLI)—Servisu Servisu Nasionál Ambulánsia Emerjénsia Médika, Institutu Públiku (SNAEM.IP) iha loron 7 fulan-janeiru 2021 ne’e hamrik ona hanesan Instituisaun Públika tanba ne’e sei jere rasik ninia orsamentu no rekursu umanu ba futuru.

“Durante fulan-marsu no abríl ba oin  ami hetan rasik ami-nia prosesu aprovizionamentu  no asegura konbustivel hodi responde ba munisípiu sira depois ami hanesan institutu autónomu prioridade ne’ebé mak atu halo mak ami re-organiza  ami-nia estrututra tomak iha  nasionál to’o munisípiu,” Diretór Jerál Servisu Nasionál  Ambulánsia Emerjénsia Médika,  Horacio Sarmento, ba Tatoli, kinta ne’e.

Aleinde ne’e, sei jere mos rekursu umanu, ekipamentu tantu husi nasionál to’o munisípiu sira.

“Ami hahú hamrik mesak iha loron 07 fulan janeiru tinan ne’e  maibé komesa husi ne’e ita hahú sei zero signifika katak ba kombustivel sira hotu sei responsavel ba iha Minsitériu Saúde tanba  ami ambulánsia rasik bainhira orsamentu 2021  ezekuta ona ba oin  ambulánsia hanesan insitututu autónomu ida sei prosesa  ninia aprovisionamentu sira kompras mina kombustivel ba ambulánsia hotu-hotu  entaun ha’u hanoin ne’e  komesa ba iha fulan marsu abril ba oin mak ami foin responsabiliza mesak,” tenik tan.

Kona-ba rekursu umanu, nia dehan seidauk sufisiente tanba ne’e ,sei koordena ho Ministériu Saúde atu destaka enfermeiru na’in rua no motorista na’in rua mai SNAEM.IP.

“Ami husu ba Ministériu Saúde atu haree ba  kestaun ne’e hodi kompleta rekursu umanu hodi nune’e ba oin servisu ho diak liutan,’’ nia hateten.

Jornalista : Felicidade Ximenes

Editór:Agapito dos Santos

HAKEREK NO HATÁN

Please enter your comment!
Please enter your name here