Diretora Jerál Prestasaun Servisu Saúde, Odete da Silva Viegas. Imajen Tatoli/Egas Cristovão

DILI,13 janeiru 2021 (TATOLI)—Ministériu Saúde (MS) husu ba komunidade iha fronteira terrestre atu evita halo movimentu ilegál liliu tama no sai fronteira entre Timor-Leste ho Indonézia hodi prevene transmisaun COVID-19.

“Ami husu ba entidade hotu liu-liu hirak ne’ebé iha fronteira terrestre ho Indonézia, relasiona ho númeru kazu  pozitivu ne’ebé kontinua rejista iha ita-nian rain atu bele kontrola  nafatin movimentu  sidadaun  hirak ne’ebé mak hakat ba mai  iha fronteira ilegalmente, nune’e labele mosu risku no labele infetadu husi moras COVID-19  iha ita-nia rain,’’ Kordenadora Jerál Komisaun Nasionál COVID-19 Ministériu Saúde, Odete da silva Viegas, hateten ba jornalista sira iha Palasiu Sinzas, Caicoli, Kuarta ne’e.

Notísia Relevante:Kazál Timoroan pozitivu COVID-19 izola iha Vera Cruz

Aleinde ne’e  husu  joven sira atu kolabora no kumpre  nafatin regra prevensaun nian, hanesan distansiamentu  sosiál, kolektivu, uza máskara nafatin bainhira sirkula iha fatin públiku no fatin ne’ebé  mak iha ema barak.

“Ami husu ba públiku karik iha sintoma isin manas, me’ar, inus been, hakbesik-aan ba fasilidae saúde  iha teritoriu laran tomak, atu nune’e  ita bele kontribui ba prevensaun trasmisaun lokál iha ita nia rain,’’ Odete Viegas informa.

Notísia Relevante:MS re-integra pasiente COVID-19 na’in-tolu ba família

Jornalista:Felicidade Ximenes

Editór: Agapito dos Santos

HAKEREK NO HATÁN

Please enter your comment!
Please enter your name here