Reitór UNTL, João Soares Martins. Imajen Tatoli/Tomé Amado.

DILI, 14 janeiru 2021 (TATOLI)—Prezidente Konsellu Jerál Universidade Nasionál Timor Lorosa’e (KJ-UNTL), Aniceto Cardoso Barreto, hateten serimonia pose ba reitór eleitu seidauk deside tanba sei hein hela públikasaun naran iha jornál repúblika.

“Ita seidauk deside data pose ba reitór eleitu, aban (sesta,15/01) lokraik mak ita foin realiza enkontru hodi diskute preparasaun pose ba reitór eleitu UNTL nian,” Aniceto hateten ba jornalista Tatoli via telefone, Kinta ne’e.

Notísia Relevante :Reuniaun KM: João Soares nomeadu ba Reitór UNTL

Atuál Diretór Ezekutivu Ospitál Nacionál Guido Valadares (HNGV-sigla portugés) ne’e, esplika serimónia pose depende ba publikasaun naran iha jornál Repúblika.

“Signifika, pose sei realiza depois naran reitór eleitu nian públika ona iha jornál repúblika. Kuandu seidauk, pose labele halo,” Aniceto subliña.

Kona-bá serimonia graduasaun ba estudante finalista UNTL nian, nia dehan, ne’e kabe ba prosesu pose ne’ebé seidauk deside tanba ne’e pasensia atu hein desizaun tuir mai.

Notísia Relevante :João Martins eleitu ba Reitór UNTL

Jornalista: Tomé Amado

Editór: Agapito dos Santos

HAKEREK NO HATÁN

Please enter your comment!
Please enter your name here