MInistru Edukasaun Joventude no Desportu, Armindo Maia. Imajen Tatoli/Egas Cristovão.

DILI, 13 janeiru 2021 (TATOLI)—Korea Internasional Cooperation Agency (KOICA), sei apoiu orsamentu ho montante millaun $6.5 ba Ministériu Edukasaun Juventude no Desportu (MEJD), hodi instala kampu futeboll haat iha kapitál Dili.

Governu Korea no Ministériu Edukasaun Juventude no Desportu, sei asina memorandu intendimentu (MoU-sigla inglés), ba tinan lima.

KOICA sei  instala kampu haat ne’e iha Becora, Bidau Mota Klaran, kampu Dom Bosco no kampu iha kampu Alor.

Ministru Edukasaun Juventude no Desportu (MEJD), Armindo Maia, depois ramata enkontru Konsellu-Ministru, kuarta ne’e, informa ba jornalista sira katak Governu apoiu planu no programa MEJD no SEJD nian tan ne’e, KM aprova ona deliberasaun ida hodi fo bá MEJD ho KOICA bele realija asinatura intedimentu ne’e.

Projeitu ne’e direitamentu sei responsabiliza husi KOICA no mós apoiu husi SEJD nu’udar na’in bá projetu para bele akompaña prosesu ne’e durante tinan lima hahu iha 2021 to’o 2026.

Jornalista : Tomé Amado

Editór: Agapito dos Santos

HAKEREK NO HATÁN

Please enter your comment!
Please enter your name here