Jogadór AD.SLB festeja sira-nia vitória iha kampu laran. Imajen/Mídia FFTL

DILI, 14 janeiru 2021 (TATOLI) – Maski oras ne’e jogadór lubun iha klube AD. SLB Laulara  komesa fahe-malu hodi haksoit ba klube seluk, maibé Filomeno Junior da Costa, firme mantein iha klube ne’ebé nia prezidente mak Kay Rala Xanana Gusmão.

Segundu kapitaun AD. SLB,  Filomeno Junior da Costa, mantein hodi hamriik firme ho SLB hodi defende nafatin klube ne’ebé halo ona nia sai famozu iha Liga Futeból Amadora (LFA) to’o mai agora Liga Futeból Timor-Leste (LFTL).

Notísia Relevante : Assalam negosia ona jogadór lokál 17 no estranjeiru na’in-lima

“Maski kolega barak mak sai ona ba klube seluk, maibé ida ne’e la fó impaktu mai ami,” Filomeno hateten ba Agência TATOLI, ohin, iha kampu Federasaun Futeból Timor-Leste (FFTL), Dili.

Nia informa, jogadór hirak ne’ebé agora sai ona ba klube seluk mak hanesan, João Pedro (7) daudauk ne’e atu reforsa klube ida iha Malazia, Jhon Frith (6), Bakayoka Ozi (13), no Mozinho de Lima (10) ba ona Boavista.

“Ha’u sente SLB lakon jogadór importante lubuk ida. Mais ida ne’e la’ós kestaun ida mai ami atu lakon vontade hodi joga. Ha’u rasik sei hamutuk ho kolega seluk hodi reforsa SLB,” Filomeno Junior hateten.

Nia haktuir, iha 2016 to’o 2018 SLB nia jogadór barak mak haksoit sai ba klube seluk no sira rasik la lakon vontade ate agora nafatin iha primeira divizaun.

Filomeno joga iha SLB nia pozisaun hanesan defeza sentrál no médiu defensivu ho númeru kamizola 18.

 Jornalista  : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here