Presidente Institutu Nasionál Seguransa Sosiál (INSS) Longuinhos Armando. Imajen/Egas Cristovão

DILI, 13 janeiru 2021 (TATOLI)—Prezidente Konsellu Administrasaun Institutu Nasionál Seguransa Sosiál (INSS), Longuinhos Armando Leite, hateten INSS finaliza ona 60% ba traballadór no kompañia ne’ebé mak mai rejistu iha INSS hamutuk rihun 18-resin iha tinan kotuk.

Notísia Relevante: INSS finaliza ona pagamentu 60% ba traballadór rihun 10-resin

Hosi totál rihun 18-resin ne’e, nia dehan, traballadór hamutuk rihun 15-resin no kompañia besik rihun tolu (3) ho montante orsamentu millau $7. 

“Tuir loloos ne’e osan hamutuk millaun $14 ne’ebé indika ba traballadór ka kompañia ne’ebé rejistu ona iha Institutu Seguransa Sosiál maibé ami halo espekulasaun ba totál traballadór no kompania ne’ebé rejistu iha INSS, entaun ita ezekuta de’it millaun $7 no restu ne’e depozita fila-fali ba kofre Estadu,” Longuinhos Armando Leite informa ba Agência TATOLI iha nia knaar fatin Ministériu Solidariedade Sosiál no Inkluzaun (MSSI), Caicoli, Dili, kuarta ne’e.

Maibé, nia haktuir, sira hirak ne’ebé iha tempu rejistu mak la mai hotu, tanba iha balun la’ós mai husu hotu osan 60% ne’e maibé balun mai husu ne’e atu rekupera de’it sira-nia ekonómia no balun fali hakarak 6% de’it, entaun ne’e mak INSS prepara bazea de’it ba dadus ne’ebé mak iha.

“Tanba ne’e mak  ita labele ezekuta hotu osan ne’ebé mak Governu indika ka aloka mai ita ne’e,” nia hateten.

Aleinde ida-ne’e, nia haktuir, programa Governu nian ba rekuperasaun ekonómia ne’ebé ho medida tolu hanesan retorma atividade, 10% no tuir mai mak ajudu ba setór naun formál ka fakultativa ne’ebé governu fó ne’e hamutuk millaun $42 inklui ona ho operasionál.

“To’o agora ita selu ona kuaze millaun 2-resin. Signifika sei iha mak restu ne’ebé mak ita sei kontinua selu. Parese iha fulan fevereiru nia-laran ne’e bele halo hotu,” nia hateten.

Notísia Relevante: Governu Aloka Osan Miliaun $11 Ba Pagamentu 60% Ba Traballadór

Jornalista : Osória Marques

Editór : Cancio Ximenes

 

HAKEREK NO HATÁN

Please enter your comment!
Please enter your name here