Reitór Universidade Nasionál Timor Lorosa’e (UNTL), Francisco Miguel Martins. Imajen/TATOLI Egas Cristovao

DILI, 13 janeiru 2021 (TATOLI)—Ministru Ensinnu Superiór Siénsia no Kultura (MESSK), Longuinhos dos Santos, informa mandatu reitór Universidade Nasionál Timor Lorosa’e (UNTL), Francisco Miguel Martins sei ramata iha loron 18 fulan-janeiru 2021.

“Mandatu reitór atuál nian sei finaliza iha loron 18 janeiru tinan ne’e. Tanba ne’e, serimónia pose parte Universidade mak sei organiza. Maibé, ita espera bele lais liután,” Longuinhos hateten ba jornalista sira iha Palacio do Governo, Kuarta ne’e.

Notísia Relevante :Reuniaun KM: João Soares nomeadu ba Reitór UNTL

Iha parte seluk, kuarta ne’e, Governu liuhosi reuniaun Konsellu Ministru, aprova ona lista nomeasaun ba Reitór UNTL foun João Soares Martins ba period 2021 to’o 2026.

Lista nomeasaun reitór eleitu ne’e aprezenta hosi Ministru Ensinu Superiór Siénsia no Kultura (MESSK) Longuinhos dos Santos.

Hafoin reuniaun KM Longuinhos hateten, bainhira KM aprova ona lista nomeasaun reitór UNTL eleitu, ne’e signifika mandatu reitór atuál Francisco Martins sei termina iha loron 18 janeiru tinan ne’e.

Entretantu, João Soares Martins eleitu nu’udár reitór UNTL ba periúdu tinan lima liuhosi eleisaun ne’ebé realiza iha loron 17 novembru 2020, iha auditóriu Fakuldade Enjiñaria Hera, hamutuk ho kandidatu atuál reitór Francisco Martins no Acacio Amaral nu’udár Prezidenti Institutu Politékniku Betano (IPB).

Notísia Relevante :João Martins eleitu ba Reitór UNTL

Jornalista : Tomé Amado

Editór: Agapito dos Santo

HAKEREK NO HATÁN

Please enter your comment!
Please enter your name here