Defensor Públiku Jerál, Câncio Xavier. Imajen Tatoli/Dok

DILI, 12 janeiru 2021 (TATOLI) – Ho situasaun COVID-19 no mudansa estrutura Defensoria Públika Jerál Brazíl nian, seidauk bele finaliza prosesu edital hodi selesiona espesialista na’in-rua atu mai Timor-Leste hodi apoiu servisu balun iha area justisa nian.

Notísia Relevante : Servisu Defensoria Públiku fó asisténsia ba Timor-oan ho gratuita

Tuir planu espesialista Brazíl sira sei mai apoiu servisu balun iha Defensoria Públika Jerál no Sentru Formasaun Jurídika no Judisiál Timor-Leste.

Antes ne’e iha loron 7 juñu 2020, Governu liuhosi Ministru Justisa, Manuel Cárceres da Costa ho Embaixadór Brazíl ba Timor-Leste asina ona nota entendimentu ho Ajénsia Brazileira ba kooperasaun (ABC-sigla portugés) hodi kontinua halo estensaun ka aumenta ba kooperasaun oitavu etapa 2021-2023.

Akordu kooperasaun ba oitavu etapa ne’e Brazíl sei fornese espesialista na’in-rua; ida sei koloka iha sentru formasaun jurídika no judisiál apoiu formasaun no ida sei koloka iha Defensoria Públika.

Defensor Públiku Jerál, Câncio Xavier, hateten espesialista ida sei fó asisténsia asesoria ba Defensoria Jerál liu-liu ba servisu inspetoria ne’ebé daudaun funsiona foun hela oinsá hetan referénsia Brazíl nian atu funsiona di’ak liu tan.

“Agora seidauk implementa tanba razaun COVID-19 hodi no mós mudansa estrutura defensór públiku Brazíl nian nune’e impede tiha prosesu sira-ne’e,” Defensor Públiku Jerál, Câncio Xavier, informa ba Agência Tatoli, ohin, iha nia kna’ar fatin, Dili.

Tuir akordu ne’ebé estabelese, iha outubru 2020, espesialista sira to’o ona Timor-Leste maibé la konsege tanba situasaun COVID-19 no mudansa iha Defensoria Jerál iha Brazíl.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here