Voo Sriwijaya SJ 182 liuhosi Flight Radar, iha sábadu (09/01). Imajen/Espesiál

DILI, 11 janeiru 2021 (TATOLI)—Governu Timor-Leste liuhosi Primeiru-Ministru, Taur Matan Ruak, hato’o kondolénsia ba família vítima dezastre aviaun Sriwijaya SJ 182, ne’ebé iha sábadu (09/01) halo voo husi Jakarta bá Pontianak.

“Lori Governu Timor-Leste nia naran, manifesta solidaridade ba Governu Indonézia no hato’o kondolénsia ba família vítima dezastre Sriwijaya,” refere mensajen ne’ebé divulga husi pájina Twitter Primeiru-Ministru, ne’ebé Agência TATOLI asesu, iha segunda ne’e.

Iha tuku 14:36, aviaun ho tipu Boeing 737-500 ne’e sai husi Aeroportu Soekarno Hatta, Cengkareng, ne’ebé tuir oráriu iha oras ida nia laran sei to’o, maibé hafoin voo minutu tolu, aviaun ne’e lakon kontaktu no to’o ikus autoridade sira identifika monu iha tasi Kepulaun Seribu.

Totál ema iha aviaun laran hamutuk 62, kompostu husi pasajeiru 56 no crew aviaun neen.

Jornalista: Antónia Gusmão
Editora: Julia Chatarina

HAKEREK NO HATÁN

Please enter your comment!
Please enter your name here