Imajen/Espesiál.

DILI, 08 janeiru 2021 (TATOLI)—Koordenadór Sekretariadu Ekipa Task Force COVID-19 Ministério da Solidariedade Social e Inclusão (MSSI) Munisípiu Lautém, Florencio Pina dias Gonzaga, hateten pagamentu ba lista aprovadu reklamante ba apoiu monetáriu iha Munisípiu Lautém hamutuk uma-kain 810 iha ámbitu Pandemia Covid-19 hahú ohin. 

“Ohin, iha parte lorokraik, Centro de Solidariedade Social do Município de Lautém (CSSML) sei hahú pagamentu subsídiu $200 ba reklamante sira iha Munisípiu Lautém iha iha edifísiu Postu Administrativu Lospalos. Suku hirak ne’ebé mak sei hahú halo pagamentu iha parte lorokraik ne’e mak Suku Lore 1, Lore 2, Bauro no Raça,” Florencio Pina dias Gonzaga, hateten liuhosi komunikadu imprensa ne’ebé Agência TATOLI asesu, sesta ne’e.  

Nia informa, ba Postu Administrativu seluk hanesan Iliomar, Lautém, Luro no Tutuala sei hahú pagamentu iha loron 09-10 Janeiru 2021, tuir orariu ne’ebé mak sei prepara hosi autoridade postu administrativu sira.

Fonte Centro de Solidariedade Social do Município de Lautém (CSSML).

Nia informa, implementasaun pagamentu apoiu ba uma-kain reklamante sira iha Munisípiu Lautém ne’e haktuir mós ba kna’ar sira-ne’ebé hatuur tuir Diploma Ministérial  Nú. 18/2020, 14 de Maio, kona-ba regulamentu ba Apoiu Monetáriu ba Agregadu Familiár iha ámbitu pandemia COVID-19.

Pagamentu ne’e hala’o tuir orientasaun hosi Sekretariadu Ekipa Task Force COVID-19 Ministério da Solidariedade Social e Inclusão (MSSI) refere ba númeru karta 04/SETFCV19/MSSI/I/2020.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here