Primeiru-Ministru, Taur Matan Ruak prezide reuniaun Konsellu Ministru estraordinária, iha Palásiu Governu, sexta (08/01), Imajen TATOLI/Egas Cristovão

DILI, 08 janeiru 2021 (TATOLI)–Ministériu Saúde lideradu hosi Ministra Odete Maria Freitas Belo, akompañia mós hosi Diretora Jerál ba Prestasaun Servisu Saúde, Odete Viegas, halo ona aprezentasaun ida kona-ba planu introdusaun vasina COVID-19 iha Timor-Leste iha reuniaun Konsellu-Ministru (KM).  

Ministru Prezidénsia Konsellu Ministru, Fidelis Manuel LeiteMagalhães, hateten aprezentasaun ne’e konta mós ho intervensaun Reprezentante hosi Organizasaun Mundiál Saúde (OMS) iha Timor-Leste.

Notísia Relevante: Prevene COVID-19, TL sei implementa vasina AstraZeneca ba ema hotu

“Durante aprezentasaun, esplika kona-ba vasina saida maka eziste no vasina saida mak adekuadu liu ba kontestu nasionál, liuliu nesesidade ba armajenamentu ne’ebé eziste ona iha país,” Portavós Governu ne’e relata hafoin ramata reuniaun KM estraórdinaria, iha Palásiu Governu, sesta ne’e.

Aleinde ne’e, aprezenta mós prioridade ba kurtu prazu estabelesimentu mekanizmu nesesáriu ba planeamentu no koordenasaun iha ámbitu implementasaun efikás vasina no identifikasaun grupu alvu prioritáriu.

Nune’e mós, sei konstitui ekipa téknika interministeriál ida-ne’ebé sei responsável ba elaborasaun planu vasinasaun kontra COVID-19 iha Timor-Leste.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here