Primeiru-Ministru, Taur Matan Ruak. Imajen TATOLI/Egas Cristovão

DILI, 07 janieru 2021 (TATOLI)—Primeiru-Ministru (PM), Taur Matan Ruak, kontinua enkoraja sidadaun sira atu kumpre regra Estadu Emerjénsia (EE) da-siak, liuliu medida ezekusaun hodi garante distánsia sosiál, uza máskara hodi prevene propagasaun COVID-19.

“Husu nafatin ba ita-nia populasaun tomak atu koopera ba esforsu sira ne’ebé Governu halo atu evita ema labele mate ho surtu COVID-19, liu-liu sira-ne’ebé infetadu labele mate no labele kontájiu ba sira-nia família sira no ba sidadaun tanba moras ne’e mai la hili ema, maibé ida-ne’ebé besik bele afetadu nia konsekuénsia ba saúde públiku,” PM Taur dehan hafoin enkontru ho Xefe Governu,  iha Palásiu Prezidensiál, Bairro Pité, kinta ne’e.

Notísia Relevante: EE da-siak: viola medida ezekusaun sei asume responsabilidade kriminál

Xefe Governu akompaña ho Vise PM no Ministra Solidaridade Sosiál no Inkluzaun, Armanda Berta dos Santos, hamutuk ho Vise PM no Ministru Planu no Ordenamentu Territóriu, José Maria dos Reis, hodi informa evolusaun situasaun pandemia globál ba Prezidente Repúblika, Francisco Guterres ‘Lú Olo’.

Iha finál tinan 2020, númeru pozitivu COVID-19 sa’e ba na’in-15 no grave liután na’in-tolu, hosi númeru ne’e tama ilegalmente no Governu iha preokupasaun tanba tama ilegál ne’e bele kontájia ba komunidade seluk.

“Governu nia medida ne’e vigór, maibé situasaun ne’e la’o adapta fleksibiliza tuir situasaun,” Xefe Governu akresenta.

Nune’e, VIII Governu Konstitusionál halo ezekusaun medida atu impede atividade relijioza, liuliu hapara misa, atividade desportiva no kultura ne’ebé obriga konsentrasaun ema ho númeru bo’ot liu na’in-10.

 Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here