Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (06/01). Imajen TATOLI/Egas Cristovão

DILI, 06 jeneiru 2021 (TATOLI)—Iha reuniaun Konsellu Ministru (KM), Ministru Koordenadór Asuntu Ekonómiku (MKAE), Joaquim Amaral, halo aprezentasaun kona-ba projetu relasiona ho fundu klimátiku matak salvaguarda ba komunidade rurál sira, ne’ebé ho atividade kontra dezastre kauza husi klima iha Timor-Leste.

“Fundu ida-ne’e hakarak limita no hamenus emisaun gás sira ho efeitu estufa iha nasaun sira ne’ebé iha hela faze dezenvolvimentu nia laran no tulun sosiedade vulnerável sira hodi adapta-an ba impaktu hirak ne’ebé labele evita husi mudansa klimátika,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun KM iha Palásiu Governu, kuarta ne’e.

Fundu ne’e hahú iha marsu 2020 no sei implementa to’o marsu 2026, ho objetivu atu apoiu populasaun rurál sira, ne’ebé kona barak liu ameasa oioin tanba kauza husi klima, aumenta adaptasaun, rezilénsia no resposta ba alterasaun klimátika sira.

Entre atividade oin-oin iha ámbitu projetu ida-ne’e, inklui ona ho kriasaun sistema saneamentu báziku, sistema irrigasaun, reflorestasaun no konstrusaun inklui reabilitasaun ba infraestrutura sira.

Jornalista: Antónia Gusmão

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here