Profisionál saúde sira halo kampaña nasionál fase liman hodi prevene COVID-19 iha resintu HNGV. Imajen TATOLI/António Gonçalves

DILI, 05 janeiru 2021 (TATOLI)—Xefe Gabinete Kontrolu Kualidade Ospitál Nasionál Guido Valadares (HNGV-sigla portugés) Dili, Sara Maria Xavier, husu ba vizitante sira atu kumpre padraun prevensaun COVID-19 bainhira vizita pasiente sira.

Nia esplika protokolu ba prevensaun pandemia globál COVID-19 maka tenki uza máskara, fase liman ho sabaun, uza dezinfektante, mantein distánsia fiziku no distánsia sosiál nune’e bele prevene transmisaun moras coronavirus.

Notísia Relevante :Prevene COVID-19, TL sei implementa vasina AstraZeneca ba ema hotu

“Ami  husu mós atu limita vizitór sira mai iha HNGV  ami so autoriza de’it pasiente ida no família ida mak hein atu nune’e labele distúrbiu atendimentu husi ita-nia pesoál saúde sira ba ita-nia pasiente sira iha HNGV atu nune’e ita bele  asegura konfortabilidade no seguransa ba pasiente  sira,” nia dehan iha HNGV, tersa ne’e.

Daudaun ne’e, HNGV prepara ona estasaun fase liman ne’ebé lokaliza iha área emerjénsia nian hodi fasilita pasiente no vizitante sira atu fase liman antes tama no sai iha fatin ne’ebá.

Notísia Relevante :MS enkoraja sidadaun mantein uza máskara prevene surtu COVID-19

Jornalista :Felicidade Ximenes

Editór:Agapito dos Santos

HAKEREK NO HATÁN

Please enter your comment!
Please enter your name here