Ministru Justisa, Manuel Cárceres da Costa. Imajen Tatoli/Antonio Goncalves

DILI, 06 janeiru 2021 (TATOLI)-Ministériu Justisa (MJ) prevee ona iha planu Orsamentu Jerál Estadu (OJE) 2021 loke vaga bá konservadór ho notáriu ba ema na’in-30.

Notísia Relevante : COVID-19 halo MJ adia rekrutamentu bá lisensiadu iha area direitu

Ministru Justisa, Manuel Cárceres da Costa, hateten nesesidade atu rekruta tan pesoál iha area ne’e tanba pesoál destakadu iha konservadór no notáriu ladún sufisiente, tanba ne’e, presiza tan rekursu hodi destaka iha nasionál no munisípiu sira hotu.

“Iha tempu badak ha’u sei haruka karta ida mai iha Primeiru-Ministru husu autorizasaun atu loke vaga 30 bá konservadór no notáriu sira,” Ministru Manuel Cárceres da Costa, informa, kuarta ne’e, iha Palásiu Governu.

Nia esplika, kandidatura ne’ebé selesiona iha teste sei tuir formasaun iha sentru formasaun jurídika no judisiáriu durante tinan rua ho balun antes atu sai konservadór no notáriu.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here