DILI, 05 janeiru 2021 (TATOLI)- Prokuradór Jerál Repúblika (PJR), José Ximenes, hateten, Governu mak iha kompeténsia atu responde bá pedidu prezidente Autoridade Rejiaun Administrativu Oecusse-Ambeno (RAEOA) ne’ebé propoin $14,000,000,00 bá Ró Haksolok iha Orsamentu Jerál Estadu (OJE) 2021.
Notísia Relevante : PGR José Ximenes: Investigasaun ba Ró Haksolok kontinua la’o
“Iha kestaun balun investigasaun ida labele ko’alia kahur ho matéria administrativu orsamentu ne’e kompeténsia Governu nian,” Prokuradór Jerál Repúblika (PJR), José Ximenes hodi responde ba jornalista, ohin, iha Palásiu Prezidensiál, Dili.
Parlamentu Nasionál (PN), iha loron 11 dezembru 2020, aprova millaun $127 ba Rejiaun Administrativa Espesiál Oecusse-Ambeno (RAEOA) inklui millaun $14 hodi finaliza konstrusaun Ró Haksolok.
Proposta orsamentu hosi Rejiaun Administrativa Espesiál Oecusse-Ambeno aprova ho rezultadu votasaun a-favór 43 kontra 0 no abstensaun 0.
Jornalista : Nelson de Sousa
Editór : Francisco Simões
