Portavós PNTL, Superintendente Xefe Arnaldo de Araújo. Imajen Tatoli/Eugénio Pereira

DILI, 05 janeiru 2021 (TATOLI)- Abitante na’in-rua mate no na’in12 kanek kaman iha asidente tráfegu iha area Paigua, Aldeia Fatobou, Suku Haufu, Postu Administrativu Letefoho, Munisípiu Ermera, kinta (31/12/2020).

Notísia Relevante : “Selvagem”, mane na’in-tolu viola lisuk feto-ida

Asidente tráfegu ne’e akontese kauza hodi problema estrada aat halo motorista hanesan suspeitu la domina kondisaun karreta nia forsa no baku-fila ba rai-naruk.

Portavós Komandu Polísia Nasionál Timor-Leste (PNTL), Superintendente  Xefe, Arnaldo de Araújo, ohin, informa ba jornalista iha Komandu Jerál PNTL, Dili, katak matebian na’in-rua nu’udar família no PNTL entrega ona mate-isin  ba família hodi hala’o serimónia funerál iha sira-nia moris fatin.

Suspeitu motorista ne’ebé lori karreta ne’e PNTL prosesa ona ninia kazu ba Ministériu Públiku hodi submete ba primeiru interrogatóriu iha Tribunál.

Kazu 68 iha territóriu Timor-Leste

Komandu Jerál Polisia Nasionál Timor-Leste (PNTL) mós rejista durante  simu tinan foun,  31 dezembru 2020 to’o 04 janeiru 2021, rejista asidente no insidente sira ne’ebé akontese iha territóriu Timor-Lese hamutuk kazu 68.

Kazu 68 ne’e kompostu hosi, kazu ema lanu no asaltu malu rejista 31, violénsia doméstika (9), kazu baku-malu (9) no tuda-malu iha kazu (7).

Iha loron 02 janeiru 2021, tuku 10:00 Otl, PNTL ho komunidade sira hetan vítima ida ho naran António de Araújo, tinan 28, monu hosi estrada ba rai naruk rezulta vítima mate fatin.

Vítima mate bainhira halo viajen atu ba hasoru nia família sira iha Aldeia Maubuk, Suku Fatisi, Munisípiu Aileu.

PNTL entrega ona mate isin ba família hodi halo serimónia funerál iha matebian nia knua.

Notísia Relevante : Asalta-malu iha Beco, na’in-haat kanek todan

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here