Tribunál Distritál Dili. Imajen/Dok.Tribunais.tl

DILI, 04 janeiru 2021 (TATOLI)- Tribunál Distritál Dili (TDD) kontinua hala’o servisu tribunais nian no hala’o julgamentu iha tribunál, maibé kumpre ba regra Estadu Emerjénsia hodi la bele halibur ema liu na’in-10, uza máskara tuir julgamentu no prepara bee-moos no sabaun hodi fase-liman iha arredores TDD nian.

Notísia Relevante : TDD esforsu redús kazu pendente

“Problema COVID-19 daudaun ne’e ita kontinua hasoru tanba ne’e kumpre regra  saúde nian uza  máskara no distánsia sosiál nune’e bele halo prevensaun,” Juis Administradór TDD, Afonso Carmona, informa, segunda ne’e, iha nia knaar fatin, TDD.

Nia dehan, sidadaun hotu la’o karik ba fatin ruma atu kontinua kumpre regra saúde nian, inklui bainhira tama-sai iha arredores Tribunál Distritál Dili atu partisipa iha audiénsia julgamentu.

Tuir observasaun Agência Tatoli iha edifísiu TDD nota katak abitante ne’ebé atu partisipa iha audiénsia utiliza máskara.

Jornalista   : Nelson de Sousa

Editór        : Francisco Simões 

HAKEREK NO HATÁN

Please enter your comment!
Please enter your name here