DILI, 29 dezembru 2020 (TATOLI)-Iha inísiu janeiru to’o dezembru 2020, Tribunál Distritál Dili (TDD) finaliza (julgadu) prosesu krime 1.791.
Juiz Administradór TDD, Afonso Carmona, hateten, iha kazu krime pendente ne’ebé mai hosi 2019 ho totál 2.054 no ba prosesu kazu tama foun iha tinan 2020 hamutuk 1.465.
“Hosi prosesu sira -ne’e, ita konsege finaliza ka julgadu hamutuk 1.791 no iha númeru prosesu 1.728 mak sei pendente,” Juiz Administradór TDD, Afonso Carmona, informa, ohin, iha edifísiu TDD.
Ba prosesu krime ne’ebé julgadu ka iha desizaun finál hosi Tribunál nian arguidu sira balun Tribunál aplika pena suspensaun, pena efetivu, selu multa no selu kustu judisiál ho absolve.
Hosi estatístika krime ne’ebé aas liu mak violénsia doméstika, ofensas korporais, abuzu seksuál, arma branka, korrupsaun no sira seluk.
Jornalista : Nelson de Sousa
Editór : Francisco Simões
