DILI, 29 dezembru 2020 (TATOLI)—Estudante Finalista hamutuk ema na’in 345 iha tersa ne’e, simu ona graduasaun lisensiatura (S1) ne’ebé hala’o iha salaun Terra Santa Raikotu Dili.

Graduadu na’in 345 ne’e maihosi Fakuldade Diretu,Enjinária, Ekonomia, Siénsia  Saúde, Siénsia Polítika no Edukasaun.

Magnifiku Reitór UNDIL, José Agustinho Belo, hateten Timor-Leste presiza kontribuisaun husi graduadu sira-nian hodi dezenvolve nasaun ne’e iha área oioin.

“Ita bo’ot sira hola parte ona iha rekursu umanu ida ne’ebé preparadu atu fó kontribuisaun ba rai ida ne’e, maibé importante liu mak ita bo’ot sira presiza aumenta liután koñesimentu no abilidade atu sai ema ida ne’ebé espesialista,” nia hateten iha salaun Terra-Sata Raikotu Dili, tersa ne’e.

Nia husu ba graduadu sira atu uza matenek ne’ebé iha sosiedade nia leet hodi kontribui ba prosesu dezenvolvimentu nasaun nian.

Jornalista :Tomé Amado   

Editór:Agapito dos Santos

HAKEREK NO HATÁN

Please enter your comment!
Please enter your name here