Ministru Ensinu Superiór, Siénsia no Kultura, Longuinhos dos Santos. Imajen Tatoli/Egas Cristovão

DILI, 29 dezembru 2020 (TATOLI)—Ministériu Ensinu Superiór Siénsia no Kultura (MESSK) liuhosi Komisaun Asesu Engresu  Ensino Superior (KAES) iha tempu badak sei halo koresaun materia husi kandidatu rihun 5-resin maka tuir ona teste rejime espesiál, oportunidade, veteranu no oan ki’ak iha territóriu Timor-Leste hodi asesu Universidade Nasionál Timor Lorosa’e (UNTL) no Institutu Politékniku Betano (IPB).

“Tékníkamente dadus estudante rejime espesiál husi munisípiu 12 inklui RAEOA nian ne’ebé mak ita rejista atu tuir ezame iha momentu ne’ebá purvolta 6.597, maibé iha prosesu ezame nia laran hetan de’it totál estudante purvolta 5.979 mak tuir ezame no 618 mak la tuir ezame,” Ministru Longuinhos dos Santos, hateten durante serimonia lansamentu ba prosesu koresaun materia teste iha edifísiu Ministériu Edukasaun Juventude no Desportu (MEJD) Vila-Verde Dili, tersa ne’e.

Notísia Relevante :Governu deside ona totál vaga 910 ba oan ki’ak asesu UNTL

Tuir planu UNTL sei simu estudante husi rejime hirak ne’e hamutuk 4.320 no IPB hamutuk 300.

“Ida ne’e sira-nia proposta bazeia ba espasu ne’ebé iha ne’e duni ba tinan ida ne’e totál estudante rejime espesiál ne’ebé mak atu asesu ba instituisaun ensinu superiór rua ne’e purvolta 4.620,” nia dehan.

Notísia Relevante :Asesu UNTL, MAKLN propoin vaga ba veteranu nia-oan 1.300

Jornalista :Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here