Logo UNITAL.

DILI, 28 dezembru 2020 (TATOLI)—Reitór Universidade Orientál Timor Lorosa’e (UNITAL), Florindo Pereira, hateten graduadu UNITAL sira ne’ebé hasai ona lisensiatura no baxarellatu prontu atu servisu hamutuk ho sosiedade hodi apoiu prosesu dezenvolvimentu.

Nia hato’o asuntu ne’e bainhira hato’o diskursu iha serimonia graduasaun estudante finalista hamutuk 545 kompostu husi lisensiatura (S1) ema na’in 515 no baxarellatu 30 (DIII), iha segunda (28/12) iha Kampus UNITAL Becora.

Estudante hirak ne’e husi Fakuldade hitu mak hanesan Fakuldade Diretu, Siénsia Edukasaun, Agrikultura, Ekonomia, Enjinária, Saúde no seluk tan.

“Ami hatene katak siénsia ne’ebé ohin lori ita bo’ot sira hetan iha ensinu superiór ida ne’e seidauk kompletu, maibé ida ne’e nu’udar bukae ida atu ita bo’ot sira bele hakonu liután wainhira hamutuk ho komunidade sira, bele manán liután esperiénsia hodi nune’e bele dezenvolve diak liután ita rai Timor-Leste,” tenik tan.

UNITAL kontinua kontribui prepara rekursu umanu iha Timor-Leste, no to’o oras ne’e prodúz ona lisensiatura no baxarellatu purvolta 4.491.

Jornalista : Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here