Laureadu Prémiu Nobel da Paz, José Ramos Horta, selebra ninia aniversáriu ba dala-71 hamutuk ho labarik sira iha Komunidade de Betania, Culau, Becora, Dili. Imajen TATOLI/Domingos Piedade Freitas.

DILI, 26 desembru 2020 (TATOLI)–Laureadu Prémiu Nobel da Paz, José Ramos Horta, selebra ninia aniversáriu moris-nian ba dala-71 (26 dezembru 1949-26 dezembru 2020) hamutuk ho labarik sira iha Becora mak hanesan hosi Culau, Darlau, Becora, Bedois no Fatuahi, iha KomunidadeKristu de Betania-Becora-Dili.

Notísia Relevante: Primeiru-Ministru Taur hato’o parabens ba Ramos Horta

Imajen/Facebook: José Ramos Horta.

Iha selebrasaun aniversáriu refere labarik sira hananu múzika aniversáriu nian, ko’a keek, huu lilin, no Ramos Horta fahe mós domin liuhosi prezente natal balun ba labarik sira hodi festeza hamutuk ho avó Ramos Horta nia tinan no selebra mós natal hamutuk ho labarik sira.

Esposa Primeiru-Ministru, Isabel Fereira, ohin Laureadu Prémiu Nobel da Paz, Ramos Horta, selebra ninia loron moris nian ba dala-71. Nune’e, nia dehan, liuhosi fundasaun sentru Quesadhip Ruak hakarak selebra maun boot ninia tinan, tanba uluk luta ba Timor-Leste ninia independénsia liuhosi asaun diplomasia oioin iha rai-li’ur.

“Ha’u hanoin ita halo buat ruma ba maun bo’ot sira liuliu iha loron moris nian no loron komemorasaun importante, ita koko halo netik buat ruma ba lider sira hodi inspira no motiva labarik sira hodi bele hatene istória luta ba ukun rasik ann nian,” Espoza Primeiru-Ministru, Isabel Fereira, hateten ba Agência TATOLI hafoin partisipa selebrasaun aniversáriu Laureadu Prémiu Nobel da Paz, José Ramos Horta, ba dala-71 iha Komunidade Kristu de Betania, Culau, Becola, dili, sábadu ne’e.

Iha biban hanesan, José Ramos Hort, espresa sentimentu klosok nian tanba bele selebra loron moris nian ho komunidade sira liuliu labarik sira iha Becora.

“Ha’u kontente tebes hodi selebra ha’u-nia loran moris nian hamutuk ho komunidade iha Becora, amu no madre sira. Dala ida tan fó ha’u-nia parabens mós ba imi tanba ita selebra ha’u-nia aniversáriu hamutuk,” nia dehan.

Tanba ne’e, nia parte mós agradese ba Espoza Primeiru-Ministru, Isabel Fereira, ne’ebe mak laran luak no nunka haluha ha’u-nia tinan no sempre selebra iha fatin ruma.

“Ha’u ladún gosta halo tinan. Tanba, ita halo tinan, ita katuas ba bebeik. Entaun tinan foun oin mai, ha’u sei la halo tinan ona. Ha’u lakohi. Ne’eduni, tinan ida-ne’e, ikus ona, ha’u lakohi atu halo ka selebra tinan moris nian,” Laureadu Prémiu Nobel da Paz, Ramos Horta hateten.

Iha selebrasaun loron moris nian ne’e partisipa hosi Espoza Primeiru-Ministru, Isabele Fereira, ho Koordenadór Gabinete de Apoio Sociedade Cívil (GASC), Filipe da Costa, Pe. Mateus Tavares, Madre sira, labarik sira hosi Becora inklui mós inan-aman balun ne’ebé mak realiza iha Komunidade Kristu de Betania Becora, Dili.

Jornalista: Domingos Piedade Freitas

Editór: Cancio Ximenes

1 KOMENTÁRIU

HAKEREK NO HATÁN

Please enter your comment!
Please enter your name here