Eis Prezidente Republika, José Manuel Ramos Horta. Imajen/Antonio Goncalves.

DILI, 26 desembru 2020 (TATOLI)–Eis Prezidente Repúblika no Lauredu Prémiu Nobel da Paz, José Ramos Horta, husu ba ema hotu-hotu atu agradese ba Maromak tanba tinan 2020 ne’e Maromak tulun ona timoroan hotu liuhosi moras COVID-19 liuliu la halo timoroan ida mate tanba COVID-19.

Notísia Relevante: Horta selebra aniversáriu ba dala-71 hamutuk ho labarik sira iha Becora

Lider nasionál ne’e mós hakarak agradese mós ba Governu halo asaun polítika prevensaun ne’ebé mak di’ak tebe-tebes hodi prevene COVID-19 ho líder sira seluk halo asaun oioin hodi kombate ki’ak no hamlaha iha rai-laran.

“Ha’u hanoin ita ramata tinan ida-ne’e, ho agradesimentu bo’ot tebe-tebes ba Nai Maromak tanba iha mundu ne’e, ema barak mak terus tebe-tebes. Ita bele ki’ak barak, iha Timor tomak ema barak mak di’ak. Oas ne’e dadaun, ita halo festa maibé sira balun la halo festa, balun moras oioin, balun ki’ak liu, no agradese tanba laiha timoroan ida mak mate ba COVID-19,” Eis Prezidente Republika, José Ramos Horta, hatete ba Agência TATOLI, bainhira selebra ninia aniversáriu ba ba dala-71 hamutuk ho labarik sira iha Kmunidade Kristo de Betania, Culau, Becora, Dili, s’abadu ne’e.

Ramos Horta hateten, CCOVID-19 kuaze latama iha Timor-Leste maibé se tama karik ema atus ba atus no rihun ba rihun mak sei mate. Ne’e duni, nia dehan, bainhira ramata tinan 2020 nian, tenke fó agradesimentu ba Nai Maromak tanba iha mundu ne’e, iha rai hitu ka ualu de’it mak to’o agora problema COVID-19 laiha no iha maibe uitoan liu.

Nia haktuir, nasaun sira-ne’ebé la duun afeta ba COVID-19 iha mundu mak hanesan Timor-Leste, Vanuatu, Fiji, Nova-Zelandia, Karibia no selu-seluk tan. Maibe, nasaun bo’ot sira hanesan Amerika ne’ebe mak poténsia iha buat hot-hotu, afeta moras COVID-19 no halo ema barak mak mate.

“Timor sorte laiha COVID-19 no la halo ema mate. Timoroan sira mós kolabora di’ak tebe-tebes ho Maromak nini tulun no ikus mai Coronavírus (COVID-19) la halo mate ita,” nia dehan.

Notísia Relevante: MS deteta tan Timoroan na’in hitu hetan COVID-19 pozitivu

Jornalista: Domingos Piedade Freitas

Editór: Cancio Ximenes

HAKEREK NO HATÁN

Please enter your comment!
Please enter your name here