Reitór UNTL, João Soares Martins. Imajen Tatoli/Tomé Amado.

DILI, 23 dezembru 2020 (TATOLI)—Prezidente Konsellu Jerál Universidade Nasionál Timor-Leste (UNTL), Aniceto Cardoso Barreto, informa Governu seidauk deside fó pose ba Reitór UNTL eleitu João Soares Martins ne’ebé sei asume kargu hahú 2021 to’o 2026.

Konsellu Jerál UNTL aprezenta ona rezultadu eleisaun Reitór UNTL foun ne’e ba ona Ministériu Ensinu Superiór Siénsia no Kultura (MESSK) iha loron 18 fulan-dezembru ne’e atu submete ba Konsellu-Ministru hodi halo apresiasaun.

Notísia Relevante :João Martins eleitu ba Reitór UNTL

“Ita hotu hatene katak mandatu Reitór atuál Francisco Miguel Martins nian sei termina iha loron 20 janeiro 2021. Tan ne’e ita espera katak antes data ne’ebé termina bele realiza ona serimonia pose ba reitór foun,” dehan nia ba Tatoli iha Ospitál Nasionál Guido Valadares Dili, kuarta ne’e.

Nia fiar katak Governu sei halo apresiasaun ho lalais hodi públika ona iha Jornal da Repúblika nune’e bele fó ona pose ba Reitór foun.

Entretantu, Reitór foun  João Soares Martins, eleitu liuhosi eleisaun sekreta ne’ebé hala’o husi estrutura Konsellu Jerál UNTL ho votus afavór 10 iha loron 03 fulan-dezembru 2020.

Notísia Relevante :MESSK hahú analiza relatóriu eleisaun Reitór UNTL foun

Jornalista : Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here