Diretór Eskola Sekundária Jerál 10 de Dezembro, Domingos Sávio Gusmão. Imajen: Nelia Fernandes

DILI, 22 dezembru 2020 (TATOLI)—Diretór Eskola Ensinu Sekundária Jerál 10 de Dezembru Comoro Dili, Domingos Sávio Gusmão, preokupa ho estatutu profesór voluntáriu hamutuk na’in hitu ne’ebé hanorin  ona estudante sira ho voluntáriu durante tinan 7.

ESJ 10 de Dezembru iha profesór volutáriu na’in 7 no kontratdau na’in 6 ne’ebé maka kontribui ona sira-nia matenek hodi hanorin estudante sira.

Notísia Relevante :2021, MEJD rekruta profesór 975

“Ami ho haraik an hato’o asuntu ne’e bá Ministru atu bele tau matan bá futuru profesór sira ne’e nian, tanba bainhira profesór permante sira bá tuir tiha formasaun ita-nia profesór voluntáriu no kontratadu sira ne’e mak frekuenta hela estudante sira,” nia informa asuntu ne’e ba Ministru Edukasaun Juventude no Desportu (MEJD) Armindo Maia, iha Comoro, segunda (22/12).

Tanba ne’e, nia husu ba Ministériu Edukasaun Juventude no Desportu atu tau iha konsiderasaun para rezolve ona estatutu profesór voluntáriu sira-nian.

Hatan ba peokupasaun ne’e, Ministru Armindo Maia, hateten kestaun profesór voluntáriu no kontratadu sai ona preokupasaun Governu nian.

“Ita iha problema kontratadu hamutuk rihun 5-resin no profesór voluntáriu iha 500  dadus ida ne’e ita rejista bázeia ba relatóriu ne’ebé tama ona, seidauk sira ne’ebé mak to’o agora seidauk iha relatóriu ne’e problema bo’ot ida mai ami oinsá atu rezolve,” Governante hateten.

Tanba ne’e tuir planu iha tinan 2021 sei rezolve fazeadamente estatutu profesór voluntáriu no kontratadu sira nian.

Notísia Relevante :Governu sei rezolve destinu profesór 17 iha Baucau

Jornalista :Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here