Ministeriu Saude halo worshop kona-ba moras tubercoluse.Imajen/Felicidade Ximenes.

DILI, 22 dezembru 2020 (TATOLI)—Ministériu Saúde, iha segunda (22/12) hala’o worshop ida hodi fó sai rezultadu peskiza kona-ba rejisténsia ai-moruk tubercoluse iha Timor-Leste.

”Diseminasaun rezultadu estudu rejistensia ai-moruk tubercoluse iha Timor-Leste ida ne’e halo ho objetivu atu hatene loloos kona-ba prevalensia husi kazu tubercoluse iha Timor-Leste tanba tinan barak ita uza estimasaun husi Organizsaaun Mundiál Saúde ho nia estimasaun 3.3 % iha kazu foun no tuan tubercoluse 15%,” Diretora Nasionál Moras la Hada’et Ministériu Saúde, Josefina Clarinha João, informa iha Timor-Plaza Dili.

Peskiza ne’e hala’o husi Timoroan no hetan suporta husi Organizasaun Mundiál Saúde (OMS) no seluk tan ne’ebé hahú iha janeiru 2019 hodi implementa iha Sentru Mikroskopiu 76 iha territóriu Timor-Leste.

Iha fatin hanesan Xefe Unidade Programa Tubercoluse Ministériu Saúde, Constantino Lopes hateten peskiza dahuluk ne’e hanaran peskiza rejisténsia ai-moruk tubercoluse iha Timor-Leste.

Objetivu husi peskiza ida ne’e hodi identifika privalensia rejisténsia ai-moruk tubercoluse tanba durante ne’e Ministériu Saúde halo tratamentu ba pasiente tubercoluse ho Isoniazid, Rifampisin, Etambutol, Estreptomisin.

”Peskiza ida ne’e implementa iha fulan-janeiru to’o setembru 2019 maibé preparasaun ba peskiza ida ne’e ami hala’o iha tinan-2017, hakerek matadalan, preparasaun rekursu umanu no ekipamentus, ami halo worshop hodi desimina ba ema hotu no komponente hotu para hatene kona-ba tubercoluse nia rezultadu ne’e oinsá privalensia ba ai-moruk tubercoluse iha Timor-Leste nia rezultadu ne’e oinsá,” nia hateten.

Jornalista :Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here