Ministru Edukasaun Juventude no Desportu, Armindo Maia.Imajen/Antonio Goncalves

DILI, 22 dezembru 2020 (TATOLI)—Ministru Edukasaun Juventude no Desportu (MEJD), Armindo Maia, aprensia no agradese ba kontribuisaun husi inan-aman estudante eskola 10 de Dezembru Comoro Dili tanba kontribui osan hamutuk $18.000 hodi reabilita kampu futsal no salaun eskola ne’e.

Armindo Maia hato’o apresiasaun ne’e durante serimonia inagurasaun kampu futsál no salaun eskola Sekundária Jerál públiku ne’e, tersa (22/12).

“Ha’u rona katak reabilitasaun kampu futsál no aulas eskola ne’e hetan kontribuisaun husi inan-aman sira, tanba ne’e ha’u mai atu hato’o ha’u nia agradesimentu hanesan Ministru tanba inan- aman sira hatudu ona sira-nia responsabilidade ba prosesu tomak iha eskola ida ne’e,”nia dehan.

Nia dehan atu dezenvolve setór edukasaun la’ós responsabilidade Governu nian de’it maibé ema hotu-hotu nian inklui inan-aman estudante sira-nian.

“Kontribuisaun inan-ama iha eskola ne’e  sai ezemplu ba inan aman iha eskola sira seluk atu halo mós hanesan ne’e,” nia hateten.

Jornalista : Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here