Anin-boot, kuarta loro-kraik (02/12), iha parte oeste sobu eskola Tékniku Vokasionál iha Suku Holsa, Postu Administrativu Maliana Vila, Munisípiu Bobonaro. Imajen/foti hosi Facebook

DILI, 22 dezembru 2020 (TATOLI)—Kompañia Irmaun Sandobe, daudaun ne’e reabilita ona sala tolu iha eskola Ensinu Sekundária Jerál no Tékniku Vokasionál Malibaca, Munisípiu Bobonaro hafoin anin no udan boot estraga iha fulan-kotuk.

Kompañia Irmaun Sandobe, antes ne’e liuhosi Programa Dezenvolvimentu Integradu Munisipál PDIM hodi reabilita eskola ne’e maibé seidauk entrega anin no udan sobu tiha tanba ne’e tenki reabilita filafali.

Notísia Relevante :Anin sobu eskola tékniku vokasionál Malibaka

“Iha sábadu ha’u liu iha eskola Malibaca, ha’u haree ona edifísiu tolu ne’ebé anin sobu iha edifisiu ida ho sala de aulas tolu ne’ebé kompañia né’ebé responsalbilizaba projeitu rehabilitasan eskola ne’e kontinua hadi’a  filafali no agora iha hela prosesu nia laran atu konklui,” dehan Ministru Edukasaun Juventude no Desportu (MEJD), Armindo Maia, ba Tatoli iha Eskola 10 de Dezembru Comoro, Dili, tersa ne’e.

Enkuantu, sala sira seluk, Governante ne’e esplika ekipa tékniku husi MEJD kria sei prepara dezeñu no Bill of Quantity (BOQ) hodi aselera prosesu reabilitasaun.

Notísia Relevante :Sala 11 iha ESTV Malibaca Bobonaro hetan estragus husi tufaun

Jornalista :Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here