Arsebispu Arkidioseze Metropolitana Dili, Don Virgílio do Carmo da Silva, SDB. Imajen/ Egas Cristóvão

DILI, 22 dezembru 2020 (TATOLI)—Arsebispu ba Arkedioseze Metropolitana Dili, Don Virgílio do Carmo da Silva, SDB, hateten selebarasaun Natal 2020 sei lori ksolok  no prosperidade ba timoroan hotu-hotu tantu iha rai-laran no sira ne’ebé daudaun ne’e estuda ka servisu iha estranjeiru.

”Atan ha’u hakarak hato’o ha’u nia ksolok natal  ba sarani hotu hotu  kiik eh boot katuas eh ferik ba hirak ne’ebé mak iha sidade no ba hirak ne’ebé mak iha foho no ba hirak ne’ebé mak moras iha ospitál  no hirak ne’ebé mak iha kadeia no ba ema hotu  no ema ne’ebé mak la tau matan liliu ba hirak ne’ebé mak dook husi família hanesan sira ne’ebé mak iha Austrália, Korea Súl, Englatera, Irlánda,  no Timoroan hotu ne’ebé mak namkari iha mundu tomak tanba estuda nune’e mós tanba servisu,” nia dehan ba jornalista sira iha ninia rezidensia Bidau Lecidere, Dili, tersa ne’e.

Problema pandemia globál COVID-19 labele sai obstáklu ba timoroan hotu-hotu atu selebra natal maibé presiza selebra natal ho ksolok tanba natal dala barak liga ba festa família ida-ne’ebé fraternidade, páz no alegria.

“Selebrasaun natal  nian  Kosok-oan  ne’ebé mak latan iha balada nia han fatin  fihir hela o ho laran susar  tanba Nia mai ba o  maibé o fila kotuk ba Nia,  Nia hakarak tama hela o nia fuan maibe o taka hela o Nia fuan ba Nia no o nia laran maibé o halo finje la rona tanba o nia kolega,  tanba tua, sigaru, facebook no watshapp no seluk tan,” nia katak.

Mistériu inkarnasaun fó hanoin ba ema hotu atu respeita moris bebé ida nian, ema iha diretu no dignidade hanesan iha Maromak nia-oin, tanba ne’e timoroan hotu tenki luta kontra hahalok abortu ne’ebé durante ne’e akontese iha sosiedade nia leet.

“Ita hotu mai simu Jesus iha balada han fatin  hodi fó bkiit ba sira seluk  nia lori ona dame, domin ba ita,  Maromak konvida ita atu lori páz,  fahe faternidade fahe  justisa no domin  ba   malu,’’  Don Virgílio hateten.

Jornalista: Felicidade Ximenes

Editór: Agapito dos Santos

HAKEREK NO HATÁN

Please enter your comment!
Please enter your name here