Primeiru-Ministru, Taur Matan Ruak. Imajen Tatoli/Egas Cristovão

DILI, 21 dezembru 2020 (TATOLI) Primeiru-Ministru, Taur Matan Ruak, sei auzénsia serbisu ho motivu lisensa anuál, hahú hosi loron 22 dezembru 2020 to’o 04 janeiru 2021 no sei hala’o filafali serbisu hanesan baibain iha 05 janeiru 2021.

Féria anuál ne’e bazeia ba termu alínea a), númeru 4, artigu 10º, Lei 7/2007, loron 25 jullu.

Tuir nota ne’ebé Agência TATOLI asesu, relata katak durante auzénsia, Vise Primeiru-Ministru no Ministru Planu no Ordenamentu, José Maria dos Reis, mak sei subtitui nu’udar Primeiru-Ministru interinu, bazeia ba artigu 6º, númeru 4, dekretu-lei 14/2018, 17 agostu, alteradu ba dekretu-lei nº 27/2020, loron 19 juñu, Orgánika VIII Governu Konstitusionál.

“Durante auzénsia nia laran, Primeiru-Ministru, Taur Matan Ruak, iha de’it rai laran hodi goza lisensa anúal hamutuk ho família,” refere nota husi Gabinete Primeiru-Ministru.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here