Sekretáriu Estadu Ambiente, Demétrio do Amaral de Carvalho. Imajen TATOLI/António Gonçalves

DILI, 18 dezembru 2020 (TATOLI)—Sekretáriu Estadu Ambiente (SEA), Demétrio do Amaral de Calvalho, atualiza ezekusaun Orsamentu Jerál Estadu (OJE) 2020 Sekretaria Estadu ne’e ba Primeiru-Ministru, Taur Matan Ruak.

“Enkontru ho Primeiru-Ministru hanesan enkontru regulár membru Governu, espesialmente atualiza informasaun serbisu no prinsipálmente ezekusaun orsamentu 2020 iha fim do ano no ha’u kontente atu informa SEA atinje ona 95%,” Sekretáriu Estadu Demétrio informa hafoin hasoru malu ho Xefe Governu, iha Palásiu Governu, sexta ne’e.

Governante ne’e haktuir, ezekusaun iha atividade sira hanesan protesaun konservasaun biodiversidade, alterasaun klimátika, kontrola poluisaun, sensibilidade no edukasaun ambientál, serbisu ambiente nível munisípiu no mós promove polítika jero plástiku.

Entretantu iha OJE 2020, prevee orsamentu ba SEA hamutuk $958.000, kompostu husi saláriu no vensimentu $502.000, bens no servisu $456.000, no laiha alokasaun ba transferénsia públika, kapitál menór no kapitál dezenvolvimentu.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here