Sekretáriu Jerál Partidu FRETILIN, Mari Bin Amude Alkatiri. Imajen Tatoli/Egas Critovão

DILI, 18 dezembru 2020 (TATOLI)- Sekretáriu Jerál  Partidu Frente Revolusionáriu Timor-Leste Independente  (FRETILIN), Mari Bin Amude Alkatiri, garante katak Orsamentu Jerál Estadu (OJE) 2021 ne’ebé hetan ona aprovasaun finál globál iha Parlamentu Nasionál (PN) ho montante biliaun $1,895  lori moris di’ak ba povu.

Notísia Relevante : PN haruka ona proposta OJE 2021 ba Prezidente Repúblika

“Implementasaun sei di’ak no rezultadu ba povu nia vida mós sei di’ak,” Mari Alkatiri hateten ba jornalista, ohin, iha edifísiu  Prokuradoria Jerál Repúblika, Caicoli, Dili.

Eis Primeiru-Ministru ne’e hatutan, orsamentu ne’e importante tebes hodi bele ezekuta ba planu prioridade ne’ebé Governu trasa ona. Nune’e, nia fiar katak Prezidente Repúblika (PR), Francisco Guterres “Lú-Olo” sei promulga OJE 2021.

Notísia Relevante : Ministru Rui konsidera OJE 2021 iha marjen hahú rekupera ekonomia

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here