Ministru Ensinu Superiór, Siénsia no Kultura, Longuinhos dos Santos. Imajen Tatoli/Egas Cristovão

DILI, 17 dezembru 2020 (TATOLI)—Ministériu Ensinu Superiór Siénsia no Kultura (MESSK), kinta ne’e halo avaliasaun ba servisu instituisaun no ezekusaun Orsamentu Jerál Estadu (OJE) 2020 nian.

“Reune jerál ne’e ita halo atu avalia servisu durante tinan ida nia laran para atu haree implementasaun programa no ezekusaun OJE 2020 ho ninia pursentazen oinsá ninia progresu no dezafiu sira iha tinan ida ne’e,” Ministru Ensinu Superiór Siénsia no Kultura, Longuinhos dos Santos, ba jornalista sira durante programa avaliasaun iha Salaun Katedral Villa-Verde, kinta ne’e.

Notísia Relevante :MESSK prevee millaun $ 5,429,323 ba OJE 2020

Instituisaun ne’e estabelese iha 2018 tanba ne’e sei kontinua enfreta dezafiu intermus ekipamentu no rekursu umanu.

Tanba ne’e, avaliasaun ne’e atu buka identifika dezafiu saida maka instituisaun ne’e enfreta hodi hadia di’ak liután.

“Ita hotu presiza hatene katak MESSK nu’udar instituisuan Estadu ne’ebé foun ita iha difikuldade barak tebes liu-liu kona bá ekipamentu komputadór falta de veikúlu, funsionáriu iha dirasaun sira  ida ne’e mak sai dezafiu ida ba Ministériu atu nune’e bele sai referensia ida ba 2021,” tenik tan.

OJE 2020 ba ministériu ne’e hamutuk millaun$5.4 no relatóriu ezekusaun to’o ohin atinje ona pursentu 90 tanba enfrenta problema pandemia globál COVID-19, rejime duodesimal.

Notísia Relevante :PN aprova osan ba MESSK ho millaun $6-resin

Jornalista : Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here