Prezidente Asosiasaun Tane Konsumidór, António Ramos da Silva ‘Naikoli’. Imajen Tatoli/Nelson de Sousa

DILI, 17 dezembru 2020 (TATOLI)–Prezidente Asosiasaun TANE Konsumidór, António Ramos da Silva ‘Naikoli’, informa atu tama loron boot, parte  asosiasaun hahú halo halo levantamentu ba estabelesimetu boot balun iha Dili laran maibé deteta  folin sasán normál.

“Tanba atu tama ona Natál no tinan foun, TANE halo levantamentu folin sasán iha supermerkadu hamutuk 11 iha Dili laran no sira kolabora hodi fó dadus ne’ebé maioria estabelesimentu sira folin sasán normál,” informa Prezidente Asosiasaun ba Agência TATOLI iha ninia knaar fatin, Villa Verde, kinta ne’e.

 Nia dehan, husi levantamentu dadus, produtu ne’ebé fa’an iha estabelesimentu  komersiál maioria mai husi rai-li’ur kompara ho produtu lokál.

“Ami halo serbisu kuaze semana rua, desde loron 03 to’o 14 dezembru, ami klasifika produtu sira ne’ebé fa’an barak liu estabelesimentu komersiál 11 no husi produtu 12 ne’ebé loja na’in sira oferese mai  ami hodi halo levantamentu, ne’ebé fa’an barak liu maka foos, trigu, susu, been, na’an-manu, mina, bebida sira inklui menteiga,” nia informa.

Aleinde ne’e, iha mós produtu manu-tolun no bebida alkóliku, serveja ne’ebé iha tendénsia ema sosa barak no ikus liu produtu ne’ebé ema hola kiik liu hanesan masin-midar, na’an ni ai-fuan.

“Kona-ba kompetitividade folin, ita haree katak folin kompetitivu hela maibé tenke haree mós ligasaun produtu ho 90% resin ne’ebé hanesan produtu importadu ninia folin depende de’it ba kualidade produtu no mós depende ba ninian mobilidade,” nia subliña.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here