Imajen/Media PR.

BAUCAU, 16 dezembru 2020 (TATOLI)—Prezidénsia Repúblika, Francisco Guterres Lú Olo,  serbisu hamutuk ho organizasaun Saúde ba Ema Hotu (SABEH) halo tratamentu saúde ba populasaun iha suku remotas iha Munisípiu Baucau, hosi 13-16 dezembru 2020.

Tratamentu saúde ba populasaun sira ne’e hala’o iha Suku Ossowala, Caiqua no Waigae iha Postu Administrativu Vemasse, Suku Atelari no Samagia iha Postu Administrativu Laga, Suku Larisula no Lebenei iha Postu Administrativu Baguia, Suku Lelalai iha Postu Administrativu Quelicai, Suku Uai-Oli no Osogori iha Postu Administrativu Venilale, no Suku Buibau no Samalari iha Postu Administrativu Baucau.

Tratamentu saúde ne’e sei hala’o ba pasiente hamutuk na’in-55 iha Postu Administrativu Vemasse, na’in-135 iha Postu Administrativu Laga, na’in-282 iha Postu Administrativu Baguia, na’in-71 iha Postu Administrativu Quelicai, n’ain-200 iha Postu Administrativu Venilale no na’in-268 iha Postu Administrativu Baucau, entaun durante loron-haat ne’e PR no SABEH halo tratamentu médiku ba pasiente hamutuk na’in-940.

Maioria moras ne’ebé pasiente sira hetan mak ispa, mialgia (ruin moras), dermatitis no tensaun aas.

Prezidénsia Repúblika halo kooperasaun ho SABEH hodi integra tratamentu saúde iha programa vizita traballu Xefe Estadu nian ba munisípiu sira. Hosi programa ne’e, Prezidénsia Repúblika no SABEH halo ona tratamentu saúde iha munisípiu Viqueque, membru komunidade iha Munisípiu Viqueque, Lautem, Ermera no Baucau.

Komunikadu Imprensa

HAKEREK NO HATÁN

Please enter your comment!
Please enter your name here