Prezidente Konsellu Executivo INCT, Jose Cornelio Guterres. Tatoli/ Egas Cristóvão

DILI, 16 dezembru 2020 (TATOLI)—Instituisaun Ensinu Superiór Públiku Privada (IESPP), haat maka hetan valór di’ak durante kompetisaun hakerek monografia ne’ebé realiza husi Institutu Nasionál Siénsia Teknolojia (INCT-sigla portugés).

Estudante finalista hamutuk na’in 10 husi IESSP sanulu-resin iha Timor-Leste maka foinlalais partisipa kompetisaun hakerek monografia.

Notísia Relevante :INCT hakarak halo peskiza iha área prioridade lima

INCT loke kompetisaun hakerek monografia ne’e iha área lima maka saúde, edukasaun, agrikultura, direitu no ekonomia.

Iha área agrikultura UNTL sai primeiru, segundu no terseiru lugar.

Iha área diretu UNTL hetan terseiru lugar, enkuantu primeiru no segundu lugar domina husi Institutu Superiór Filozofia no Teolojia (ISFIT) Don Jaime Garcia Goulart Fatumeta.

Área ekonomia, IOB maka hetan primeiru lugar, UNTL hetan segundu lugar no terseiru lugar manan husi DIT.

Iha área edukasaun manan na’in dahuluk no datoluk okupa husi UNTL, enkuantu segundu lugar hetan husi ISFIT.

Prezidente INCT, José Cornelio Guterres, hateten, kompetisaun la’ós atu manán premiu maibé oinsá atu prepara jerasaun ho kualidade.

“Ita nia planu mak liuhusi konkursu sira hanesan ne’e mak ita bele hetan rekursu sira ne’ebé iha potensia, ita iha ona planu ba futuru kuandu iha formasun ruma sira sei envolve iha laran inklui mós atividade peskiza ruma sira ita sei konvida sira no importante liu mak INCT sei fo oportunidade ba sira kuandu iha bolsa estudu ruma ba rai-liur iha área peskiza nian ita sei tau prioridade bá sira,” nia dehan ba Tatoli, iha Matadouro kuarta ne’e.

Kompetisaun ne’e atu prepara estudante sira sai peskizadór ida exselente nune’e bele kontribui ba INCT no Universidade sira iha área peskiza nian.

Notísia Relevante :Estudante Universidade 42 kompete hakerek monografia

Jornalista :Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here