Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (16/12). Imajen TATOLI/Egas Cristovão

DILI, 16 dezembru 2020 (TATOLI)–Governu liuhosi reuniaun Konsellu Ministru (KM), deside estende períodu supervizaun ba estrada ligasaun munisípiu Baucau bá Lautém.

Nune’e mós, estrada iha munisípiu Liquiçá, postu administrativu Maubara no Karimbala, inklui munisípiu Bobonaro, postu administrativu Atabae no Mota-Ain.

Ministru Prezidénsia Konsellu Ministru, Fidelis Manuel Leite Magalhães, informa projetu deliberasaun ho alterasaun ne’e, aprezenta hosi Ministru Obra Públika, Salvador Eugênio Soares dos Reis Pires no hetan aprovasaun iha KM.

“Aprovasaun ne’e hosi parte prosedimentu aprovizionamentu ba suplementu no alterasaun hosi parte kontratu públiku, ne’ebé estensaun períodu servisu supervizaun obra sira, ba melloramentu no manutensaun trosu estrada,” Ministru Fidelis relata hafoin ramata reuniaun ezekutivu iha Palásiu Governu, kuarta ne’e.

Portavóz Governu ne’e akresenta, antes ne’e iha ona estensaun kontratu ba kontratór sira, maibé tanba kontratu iha estensaun maka tenke realiza.

“Tenke iha ba konsultór ne’ebé superviziona se lae kontratór de’it mak la’o maibé supervizaun laiha,” nia fó hanoin.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here