Jogadór sentru juvenil. Imajen Tatoli/Hortencio Sanches

DILI, 15 dezembru 2020 (TATOLI) – Treinadór sentru juvenil, Gaspar Pinto, hateten ninia parte kontinua hasoru difikuldade iha ekipamentu hanesan farda no bola.

“Labarik sira hosi sentru juveníl nian hamutuk na’in-48, kada loron, ami treinu iha kampu Federasaun Futeból Timor-Leste (FFTL) nian, maibé ami sempre hasoru difikuldade ba farda, bola no kampu dalaruma ami hadau malu ho selesaun sira seluk entaun ami treinu la másimu”, Gaspar hateten ba Agência Tatoli, ohin, iha Kampu FFTL, Dili.

Nia dehan, jogadór hirak ne’ebé  tuir treinamentu hodi prepara ba futuru. Bainhira sira joga di’ak, klubu balun presiza sira bele ba joga iha klubu sira.

“Labarik sira ne’e ha’u prepara de’it tuir orientasaun sentru juveníl nian, karik sira iha performa di’ak, klubu ruma hakarak sira tenke ko’alia ho sentru sira bele ba joga ona”, nia dehan.

Nia hatutan, maioria jogadór hirak ne’ebé sai ona hanesan senior no joga iha klubu seluk sai hosi sentru juveníl ne’ebé nia fó treinu.

Jornalista: Hortencio Sanchez

Editór: Francisco Simões

HAKEREK NO HATÁN

Please enter your comment!
Please enter your name here