Enkontru virtual trilateral entre MNEC TL, Adaljiza Magno, MNE-RI, Retno Marsudi ho MNE Austrália, Senator the Hon Marise Payne. Imajen/MNEC

DILI, 15 dezembru 2020 (TATOLI)–Ministra Negósiu Estranjeiru no Kooperasaun (MNEC), Adaljiza Albertina Reis Magno, reprezenta Governu Timor-Leste, ohin, hala’o enkontru virtuál ho Ministra Negósiu Estranjeiru (MNE) Repúblika Indonézia, Retno Lestari Priansari Marsudino mós Ministra Negósiu Estranjeiru Austrália, Senator the Hon Marise Payne, hodi ko’alia kona-ba vasinasaun ne’ebé bele kombate peste letál COVID-19.

Ministra Adajiza Magno atende enkontru virtual trilateral ho MNE -RI no MNE Austráli. Imajen/MNEC

Liuhosi publikasaun pájina ofisiál Facebook Ministériu Negósius Estranjeirus no Kooperasaun relata  katak enkontru virtuál trilaterál (TL, RI no Austrália) aleinde ko’alia “isu”  vasinasaun ne’ebé bele kombate COVID-19, ko’alia mós asuntu importante seluk, hanesan kooperasaun ba rekuperasaun área ekonomia entre nasaun viziñu sira no mós kooperasaun iha área Fronteira Marítima no ASEAN nian ne’ebé Indonézia ho Austrália iha kompromisu forte hodi apoiu nafatin Timor-Leste.

Iha oportunidade refere, Ministra nain-tolu mós hakarak haforsa liután partisipasaun feto nian iha área polítika, ekonomia no sosiál, no hasae partisipasaun feto nian la’ós de’it iha nivel nasionál maibé iha mós nivel internasionál.

Jornalista   : Hortencio Sanches

Editór        : Francisco Simões

HAKEREK NO HATÁN

Please enter your comment!
Please enter your name here