Diretór Ezekutivu Servico Autonomo Medicamentos Equipamentos Saúde (SAMES), Santana Martins. Imajen Tatoli/Egas Cristovão

DILI, 15 dezembru 2020 (TATOLI)—Diretór Ezekutivu Servisu Autónomu  Medikamentu no Ekipamentu Saúde (SAMES), Santana Martins, hateten prevee ona osan atu sosa karreta tolu iha tinan 2021 hodi fasilita prosesu distribuisaun medikamentu no ekipamentu saúde ba armazén rejionál sira.

Orsamentu Jerál Estadu (OJE) 2021 ne’ebé aloka ba SAMES hamutuk millaun $10.740, husi osan ne’e $99.000 hodi sosa karreta box hamutuk rua hodi tula ai-moruk ba armazén Ainaro, Bobonaro no Baucau. No karreta ida seluk sei tula oksijéniu husi Dili ba ospitál referál, Covalima, Baucau, Maubisse, Bobonaro no Oe-Cusse.

Notísia Relevante :2022, SAMES sei konstrui Armazén Sentrál iha Dili

”Ami propoin fazeadamente nesesidade ne’e tanba ita hatene katak karreta sira iha SAMES ne’e kuaze tinan 10 liu ona tanba ne’e mak ami tau osan para sosa tan karreta tolu maibé depois ami kontinua propoin atu sosa tan karreta,” nia hateten ba Tatoli iha ninia servisu fatin Kampung-Alor Dili, ohin.

Nia garante ho karreta foun tolu ne’e sei fasilita prosesu distribuisaun ai-moruk no ekipamentu saúde ba ospitál referál sira.

Notísia Relevante :SAMES halo jestaun ba ai-moruk uza sistema mSupply

Jornalista :Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here