Prezidente Parlamentu Nasional, Aniceto Guterres. Imajen Tatoli/Antonio Goncalves.

DILI, 15 dezembru 2020 (TATOLI)—Prezidente Parlamentu Nasionál, Deputadu Aniceto Longuinhos Guterres Lopes, hato’o boas festas Santu Natál no enkoraja ema hotu atu hatudu dame no espíritu foun iha tinan 2021.

“Ami-nia boas festas Santu Natál no tinan foun no enkoraja ema hotu atu hatudu dame no espíritu foun iha tinan 2021. Mai ita agradese buat di’ak hotu-hotu ne’ebé ita hetan iha tinan tuan no hahú tinan foun 2021 nakonu ho dame no espiritu foun,” Prezidente Parlamentu Nasionál hato’o mensajen ba selebrasaun Natál no Tinan Foun liuhosi komunikadu imprensa ne’ebé Ajénsia TATOLI, asesu tersa ne’e.

Prezidente Parlamentu Nasionál  esplika, Natál nu’udar selebrasaun fiar sarani ne’ebé hala’o iha ambiente família, iha tinan tuan nia rohan no hahú tinan foun ho loron mundial dame nian no solenidade Santa Maria, Maromak nia Inan iha loron 01  fulan-janeiru.

Ho eventu festivu sira-ne’e, nu’udar Prezidente Parlamentu no lori meza Parlamentu Nasionál, deputadu sira, funsionáriu, tekniku no asesór sira, hakarak hato’o ba sidadaun idak-idak, família, autoridade komunitáriu no sub-nasionál sira, titulár sira no eis-titulár sira órgaun soberánia, deputadu no membru Governu, autoridade konfisaun relijioza sira atu selebra ho dame kuda espíritu foun iha tinan 2021.

Nune’e mós hato’o ba autoridade no membru F-FDTL no PNTL, sosiedade sivíl no setór privadu, reprezentante misaun diplomátika no parseiru dezenvolvimentu sira iha Timor-Leste.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here