Ministru Asuntu Kombatente Libertasaun Nasionál, Julio Sarmento da Costa ‘Meta Mali’. Imajen TATOLI/Egas Cristóvão

DILI, 15 dezembru 2020 (TATOLI)-Ministru Asuntu Kombatente Libertasaun Nasionál (MACLN), Julio Sarmento da Costa ‘’Meta Mali’’ akompaña hosi Sekretáriu Estadu ba Asuntu Kombatente Libertasaun Nasionál no Veteranu, Gil da Costa Monteiro “Oan Soru”, ohin, hasoru malu ho Prezidente Repúblika (PR), Francisco Guterres “Lú-Olo” hodi konsulta ho Prezidente Repúblika kona-ba selebrasaun loron nasionál eroi, 31 dezembru, tinan ne’e.

“Enkontru ho Prezidente  Repúblika ko’alia asuntu ida de’it  kona-ba loron  importante 31 dezembru nu’udar  loron eroi nasionál,” Ministru Julio Sarmento da Costa ‘’Meta Mali’’ informa ba jornalista, hafoin hasoru malu ho PR Lú-Olo.

Meta Mali, dehan, iha buat balun mak nu’udar ministériu iha Konsellu Ministru atu bele deside, maibé iha buat balun KM labele deside tanba ne’e tenke mai iha Xefe Estadu nia konkordánsia ka desizaun.

“Iha enkontru ne’e seidauk iha resposta hosi Prezidente Repúblika, maibé aban ka bainhira ami bele simu ona resposta,”  Meta Mali hateten.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here