Ministra Saúde, Odete Maria Freitas Belo Hasai Foto hamutuk Lansa Projetu Sistema mSupply. Palacio Das Cinzas, Caicoli. Tersa (15/12). Imajen Tatoli/Egas Cristovão

DILI, 15 dezembru 2020 (TATOLI)—Reprezentante United Nations Population Fund (UNFPA), Ronny Lindstrom, informa Governu Austrália fó ona apoiu orsamentu montante rihun $300 ba Servisu Autónomu Medikamentu no Ekipamentu Saúde (SAMES) hodi fó treinamentu ba farmasista sira oinsá bele utiliza no kontrola sistema msupplay ne’ebé maka SAMES sei implementa.

“Ha’u garante tanba sistema ne’e digital entaun di’ak tebes atu utuiliza iha armazén SAMES atu nune’e labele hamosu estoke menus iha armazén SAMES,” nia dehan ba jornalista sira iha Palasiu Sinzas Caicoli, tersa ne’e.

Notísia Relevante :SAMES halo jestaun ba ai-moruk uza sistema mSupply

Nia dehan apoiu ne’ebé maka Austrália oferese ba Timor-Leste liuhosi SAMES hodi asegura sistema msupplay para fasil atu halo distribuisaun ba medikamentu no kontrola estoke iha armazén atu labele akontese estoke hotu.

“Sistema Msupply ne’e la’ós foun implementa maibé sistema ne’e lao tiha ona. maibé desizaun Governu Timor-Leste nian hapara provizóriu hodi kria fali sistema foun. agora sistema foun ne’e la dun familiár entaun ohin halo fali lansamentu ba sistema ne’e. agora Governu nu’udar parseiru dezenvolvimentu foun ba área ne’e hakarak suporta atu garante liutan sustentabilidade iha servisu sira ne’ebé relasiona ho medikamentu ka ai-moruk nian,”nia dehan.

Jornalista : Tomé Amado

 Editór :Agapito dos Santos

HAKEREK NO HATÁN

Please enter your comment!
Please enter your name here