Fogete. Imajen/foti hosi Google.

DILI, 14 dezembru 2020 (TATOLI)- Komandu Polísia Munisípiu Dili forma ona ekipa hodi halo investigasaun ba karreta balun ne’ebé deskonfia tula sasán nesesidade báziku, mas aproveita lori mós  fogete ilegál hosi Atambua-Indonézia tama mai Timor-Leste.

Notísia Relevante : PNTL sei halo operasaun ba fogete iha liña fronteira

Komandante PNTL Munisípiu Dili, Superintendente Xefe Henrique da Costa. Imajen Tatoli/Eugénio Pereira

Komandante Polísia Munisípiu Dili, Superintendente Xefe, Henrique da Costa, hateten iha semana kotuk PNTL detein ona suspeitu na’in-lima ne’ebé halo atividade fa’an fogete ilegál liu online Facebook no fa’an subar iha uma.

“Ita sei buka tuir nafatin fogete sira-ne’e oinsá ema bele tama mai,” dehan Komandante Henrique ba jornalista, ohin, iha Komandu PNTL, Caicoli, Dili

PNTL rasik rekolla ona informasaun hosi suspeitu na’in-lima ne’ebé PNTL detein katak sira sosa tutan fogete hosi ema balun ne’ebé fa’an ba sira.

Notísia Relevante : UPF halo apreensaun ba mina-rai, sigarru ilísitu no fogete

Antes ne’e, Komandante Jerál PNTL, Komisáriu Faustino da Costa, fó ona orientasaun ba Unidade Patrullamentu Fronteira (UPF) no Komandu Polísia Bobonaro, Covalima no Oe-Cusse atu halo operasaun maka’as hodi kontrola ema labele lori fogete tama hosi fronteira terrestre mai territóriu nasionál.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here